تیونس کی حکومت نے اسرائیلی جیلوں میں قید فلسطینی اور عرب اسیران کی رہائی کے لیے ایگزیکٹو کمیٹی برائے رہائی اسیران کا دفتر کو کھولنے کا فیصلہ کر لیا ہے۔ یہ دفتر کھولنے کا اعلان ایک ماہ قبل تیونسی دارالحکومت میں عالمی کانفرنس برائے نصرت اسیران میں کیا گیا تھا۔ کانفرنس کی تیاری کرنے والی کمیٹی نے بتایا کہ اس کو ایگزیکٹو کمیٹی کا دفتر کھولنے کے متعلق ہدایات مل گئی ہیں اور توقع ہے کہ آنے والے چند دنوں میں یہ دفتر کام شروع کردیگا۔ اس ضمن میں اسرائیلی جیلوں میں قید فلسطینیوں کی رہائی کے لیے سرگرم عمل یورپی،تیونس اور فلسطین کی متعدد تنظیمیں اپنا کردار ادا کر رہی ہیں۔دوسری جانب نصرت اسیران دفتر کے ترجمان کا کہناہے کہ ادارہ جلد اپنی سرگرمیوں کا آغاز کردیگا، سب سے پہلے عدالتی کارروائیوں سے متعلق بند فائلوں کو کھولا جائیگا، اس کے علاوہ صہیونی عقوبت خانوں میں فلسطینیوں پر ڈھائے جانے والے مظالم کے خلاف بھرپور میڈیا مہم بھی ترجیحی امور میں سے ہوگی۔ انہوں نے تمام متعلقہ حلقوں سے ایگزیکٹو آفس سے رابطہ کرنے کا مطالبہ بھی کیا۔یاد رہے کہ دس نومبر کو تیونس میں عالمی نصرت اسیران کانفرنس کا آغاز کیا گیا تھا۔ اس کانفرنس کا انعقاد تیونس، عرب، یورپ اور دنیا بھر کے دیگر ممالک سے رہنماؤں نے شرکت کی تھی۔ اس کانفرنس میں فیصلہ کیا گیا تھا کہ تیونس میں فلسطینی اسیران امور سے متعلق”تیونس دفتر” کھولا جائیگا۔
بشکریہ:مرکز اطلاعات فلسطین
