(روزنامہ قدس ۔آن لائن خبر رساں ادارہ) ابوظہبی کے ولی عہدشہزادہ محمد بن زاید نے امارات میں مقیم فلسطینی برادری کو مخاطب کرتے ہوئےکہا ہےکہ یہ آپکا اپنا ملک ہے اور امن کا انتخاب فلسطینی مقصد کی قیمت پر نہیں ہوگا۔
ذرائع کے مطابق گزشتہ روز متحدہ عرب امارات کے وزیر خارجہ شیخ عبداللہ بن زاید آل نہیان نے ایک عشائیے میں تقریر کرتے ہوئے ابو ظہبی کے ولی عہد اور متحدہ عرب امارات کی مسلح افواج کے ڈپٹی کمانڈر شیخ محمد بِن زاید النہیان کی جانب سے متحدہ عرب امارات میں مقیم تارکین وطن فلسطینی برادری کے ساتھ یکجہتی کا اظہار کرتے ہوئے ولی عہد کایہ پیغام دیا ہےکہ متحدہ عرب امارات فلسطینیوں کا دوسرا ملک ہے، ابو ظہبی مشرقی بیت المقدس پر مشتمل آزاد فلسطینی ریاست کے مطالبے پر قائم ہے اور ان کے لیے امن کا انتخاب ان کےفلسطینی مقصد کے خلاف کسی صورت نہیں ہوگا۔
انہوںنے مزید کہا کہ امن ایک تزویراتی آپشن ہے۔ اسرائیل کے ساتھ امن معاہدہ قضیہ فلسطین کی قیمت پر نہیں کیا گیا۔