مرکزاطلاعات فلسطین کے مطابق غرب اردن میں اسیران میڈٰیا سینٹر کی جانب سے جاری ایک بیان میں بتایا گیا ہے کہ بیت لحم سے تعلق رکھنے والے فلسطینی قید محمد جبرل جگر کی بیماری لاحق ہے۔ جگر میں تکلیف کے باعث اس کے معدے، دل اور آدھے سرمیں مسلسل درد رہتا ہے۔ اسرائیلی جیلروں کی مجرمانہ لاپرواہی کے باعث اس کی حالت مزید تشویشناک ہو چکی ہے۔ اسپتال میں اسے کسی قسم کی دوائی یا علاج کی سہولت میسر نہیں ہے۔ نیند کی مسلسل کمی اور تکلیف کے باعث اس کا وزن غیرمعمولی حد تک کم ہوچکا ہے۔
خیال رہے کہ ربیع محمد جبریل رواں سال فروری سے اسرائیلی جیل میں پابند سلاسل ہے۔ اسے انتظامی حراست میں رکھا گیا ہے۔ اس سے قبل وہ ساڑھے پانچ سال تک اسرائیل کی جیلوں میں قیدکاٹ چکا ہے۔
فلسطین میں انسانی حقوق کی تنظیموں نے زیرحراست فلسطینی شہری کی حالت پرگہری تشویش کا اظہار کرتے ہوئے اس کی فوری رہائی کا مطالبہ کیا ہے۔
خیال رہے کہ اسرائیلی جیلوں میں قید سات ہزار فلسطینیوں میں سے 1500 سے زائد مختلف امراض کا شکار ہیں۔ تمام مریض فلسطینی قیدیوں کے ساتھ اسرائیلی جیلروں کایکساں سلوک ہے اور کسی بھی فلسطینی قیدی کو عالمی قوانین کے تحت طبی سہولیات مہیا نہیں کی جاتی ہیں۔