رپورٹ کے مطابق آج اگر اسرائیل میں انتخابات ہوتے ہیں تو لیکوڈ کو بہت کم سیٹیں ملیں گی کیونکہ عوام کی اکثریت لیکوڈ پارٹی کی پالیسیوں سے نالاں دکھائی دیتی ہے۔
رپورٹ کے مطابق ایسے لگ رہا ہے کہ آئندہ الیکشن میں لیکوڈ کو 30 کے مقابلے میں 26 یا اس سے بھی کم نشستیں ملی گی۔ یچ عتید کی موجودہ نشستیں 11 ہیں اور موجودہ عوامی سروے کے مطابق یہ جماعت 21 نشستیں جیت سکتی ہے جب کہ ’جیوش ہوم‘ 8 کے مقابلے میں 12 سیٹوں پرکامیابی حاصل کرسکتی ہے۔
سروے جائزے کے مطابق اسرائیلی پارلیمنٹ میں شامل دوسری سیاسی جماعتوں’’اسرائیل ہمارا گھر‘‘،’’یہدوت ھتوراہ‘‘ اور ’’میرٹز‘‘ کی مقبولیت میں بھی اضافہ ہوا ہے۔ اپوزیشن اتحاد میں شامل ’’شاس‘‘ کی مقبولیت میں کمی دیکھی گئی ہے۔
سیاسی رہنماؤں میں نیتن یاھو اور یائیر لبید کے درمیان سخت مقابلہ ہوسکتا ہے کیونکہ نیتن یاھو کی مقبولیت 47 اور دوسرے ننبر پر یائیر لبید کی 36 فی صد ہے۔ اس کے بعد گابی اشکنزئی 30 فی صد عوامی حمایت کے ساتھ دوسرے اور بینٹ 29 فی صد کے ساتھ تیسرے نمبر پرہیں۔