(روزنامہ قدس ۔آن لائن خبر رساں ادارہ) پاک فوج کے سربراہ نے کہا کہ کشمیروں کے ساتھ اس انسانی المیے کو ختم کرنے اور تنازعہ کشمیر کو جموںوکشمیر کے لوگوں کی امنگوں اور اقوام متحدہ کی قراردادوں کے مطابق حل کرنے کا وقت آگیا ہے۔
تفصیلات کے مطابق یوم یکجہتی کشمیر کے موقع پرانٹرسروسز پبلک ریلیشنز (آئی ایس پی آر) کی جانب سے سماجی رابطوں کی ویب سائٹ ٹوئٹر پر پاک فوج کے سربراہ جنرل قمر جاوید باجوہ کا ایک پیغام ٹوئٹ کیا ہے جس میں مقبوضہ جموں و کشمیر کے عوام کو ان کے عزم و ہمت اور بہادرانہ جدوجہد پربھر پور خراج تحسین پیش کرتے ہوئے کہا ہے کہ ہمارے کشمیری بھائی بہن جس بہادری کےساتھ بھارتی محاصرے اورانسانی حقوق کی سنگین خلاف ورزیوں کامقابلہ کررہے ہیں یہ جذبہ ایمانی ہے اورکشمیروں کو ان کے حقوق ضرور مل کر رہیں گے۔
انہوں نے کہا کہ کشمیروں کے ساتھ اس انسانی المیے کو ختم کرنے اور تنازعہ کشمیر کو جموں وکشمیر کے لوگوں کی امنگوں اور اقوام متحدہ کی قراردادوں کے مطابق حل کرنے کا وقت آگیا ہے۔