(روز نامہ قدس ۔آنلائن خبر رساں ادارہ )برنی سینڈرز نے کہا کہ نئی فنڈنگ نیتن یاہو کی دائیں بازو کی حکومت کو فلسطینی عوام کے خلاف اپنی وحشیانہ جنگ جاری رکھنے کی اجازت دے گی اور اس کا مطلب غیر مشروط فوجی حمایت ہے۔
امریکی سینیٹر برنی سینڈرز نے غیر قانونی صیہونی ریاست اسرائیل کے لیے امریکہ کی جانب سے 10 بلین ڈالر مالیت کی نئی فوجی امداد کو روکنے کا مطالبہ کرتےہوئے کہا ہے کہ نئی فوجی امداد غزہ میں فلسطینیوں کے خلاف "غیر اخلاقی جنگ کی مالی معاونت ہے ۔”
غزہ میں بین الاقوامی قوانین کی خلاف ورزیوں اور غیر اخلاقی فوجی آپریشن کے باعث امریکی کانگریس کو اسرائیلی فنڈنگ فوری طور پر روک دینی چاہیے۔ انہوں نے مزید کہا کہ امریکیوں سمجھنا چاہیے کہ فلسطینیوں کے خلاف اسرائیلی جنگ امریکی بموں، گولوں اور دیگر ہتھیاروں کے ساتھ لڑی جا رہی ہے۔ برنی سینڈرز کا کہنا تھا کہ اب بس ہوگیا، کانگریس کو فنڈنگ روک دینی چاہیے، امریکی ٹیکس دہندگان کو غزہ میں مزید خواتین بچوں اور معصوم فلسطینیوں کے قتل عام میں شریک جرم نہ بنایا جائے، انھوں نے مزید کہا کہ "ہمیں یہ قبول کرنا چاہیے کہ اسرائیلی فوج کا ردعمل انتہائی غیر متناسب، غیر اخلاقی اور بین الاقوامی قوانین کے خلاف تھا۔”