(روزنامہ قدس ۔آن لائن خبر رساں ادارہ) اسرائیل نے مصیاف شہر کے آس پاس کے علاقے میں بمباری کی ہےجس میں طرطوس کی ساحلی بندرگاہ میں ایرانی ہتھیاروں کی کھیپ کو نشانہ بنایا۔
تفصیلات کے مطابق گذشتہ روز قابض ریاست اسرائیل کے جنگی طیاروں نے ملک شام کے صوبے حلب پر شدیدحملہ کیا اور حلب کے مغربی حصے میں اینٹی ٹینک گائیڈڈ میزائل سے ایک بس کونشانہ بنایا جس کے نتیجے میں بس میں سوار شام کی حکومت کے حامی 10 فوجی شہید ہو گئے جبکہ 9 کے زخمی ہونے کی اطلاعات ہیں۔
اس کے ساتھ ساتھ اسرائیل نے مصیاف شہر کے آس پاس کے علاقے میں بمباری کی ہےجس میں طرطوس کی ساحلی بندرگاہ میں ایرانی ہتھیاروں کی کھیپ کو نشانہ بنایا ہےاوراسرائیلی طیاروں نے مصیاف کے مغرب میں وادی العیون روڈ پر واقع مقامات کو نشانہ بنایا گیا اور مصیاف کے جنوب مشرق میں السویدہ کے علاقے میں بمباری کی گئی، جس کی وجہ سے نشانہ بنائے گئے مقامات کے اندر آگ بھڑک اٹھی۔ .
شام کے سرکاری نشریاتی ادارے کے مطابق صہیونی فوج کے میزائل حملے میں فوجی بس اور شہری آبادی کو نشانہ بنایا گیا تھا تاہم شامی دفاعی فضائی نظام کی بروقت کارروائی کے نتیجے میں آبادی کو بچالیا گیاالبتہ صہیونی فوج کی اس جارحانہ کارروائی کے نتیجے میں املاک کو بھی نقصان پہنچا ہے۔