(روزنامہ قدس ۔آن لائن خبر رساں ادارہ) نفتالی بینیٹ کا یہ دورہ بحرین ایسے وقت ہو رہا ہے جب ان کے سخت حریف ایران اور بڑی عالمی طاقتوں کے درمیان سن 2015 کے جوہری معاہدے کو بحال کرنے کی کوششیں جاری ہیں۔
تفصیلات کے مطابق قابض ریاست اسرائیل کے صہیونی وزیر اعظم نفتالی بینیٹ بحرین کے شاہ حمد بن عیسیٰ بن سلمان الخلیفہ اور ولی عہد سلمان بن حمد الخلیفہ سے ملاقات کے لیے دارالحکومت منامہ پہنچ گئے ہیں جہاں ان کاگارڈ آف آنر کے ساتھ شاندار استقبال کیا گیا۔
یاد رہے کہ نفتالی بینیٹ کا یہ دورہ بحرین ایسے وقت ہو رہا ہے جب ان کے سخت حریف ایران اور بڑی عالمی طاقتوں کے درمیان سن 2015 کے جوہری معاہدے کو بحال کرنے کی کوششیں جاری ہیں۔
صہیونی وزیر اعظم نے اسرائیل سے روانگی کے وقت اپنےایک بیان میں صحافیوں سے بات چیت کرتے ہوئے کہاکہ ان کا یہ دورہ "خیر سگالی کا پیغام” ہوگا اور وہ اس موقع کا استعمال "مشترکہ خطرات کے خلاف ایک اتحادی مؤقف” پر زور دینے کے لیے کریں گے۔
اسرائیل اور بحرین کے درمیان سن2020 میں باضابطہ سفارتی تعلقات قائم ہونے کے بعد دونوں ملکوں کے مابین یہ پہلی اعلی سطحی بات چیت ہےجبکہ دونوں ملکوں نے امریکا کی حمایت سے معاہدہ ابراہیمی کے حصے کے طور پر اپنے سفارتی تعلقات قائم کیے تھےاس کے علاوہ باضابطہ سفارتی تعلقات سے قبل بھی اسرائیل کے بحرین اور متحدہ عرب امارات کے ساتھ خفیہ سکیورٹی تعاو ن کا سلسلہ جاری تھا۔