(روزنامہ قدس ۔آن لائن خبر رساں ادارہ) صہیونی صدر کے متحدہ عرب امارت کے دورے پر یمن کے حوثی باغیوں کا یہ دوسرا حملہ ہے اس سے چند روز قبل بھی ایک حملہ کیا گیا تھا جس میں متحدہ عرب امارات میں تین عام شہری جاں بحق ہو گئے تھے۔
عالمی ذرائع ابلاغ کے مطابق گذشتہ روز قابض ریاست اسرائیل کے صدر اسحاق ہرزوگ کے دو روزہ متحدہ عرب امارات کے دورے کے دوران یمن کے حوثی باغیوں کی جانب سے ایک بیلیسٹک میزائل حملہ کیا گیا جسے امارات کی جانب سے فضا میں ہی روک کر ناکام بنا دیا گیا۔
متحدہ امارات کے سرکاری نشریاتی ادارے کے مطابق چونکہ میزائل آبادی والے علاقوں سے باہر گراتھا اس لیے حملے میں کسی قسم کا کوئی جانی یا مالی نقصان نہیں ہوا تاہم اسحاق ہرزوگ کی جانب سےایک بیان میں کہا گیاہے کہ انہیں کسی قسم کا کوئی خطرہ نہیں ہے اور وہ اپنے دورے کوپروگرام کے مطابق جاری رکھیں گے۔
صہیونی صدر نےمزید کہا کہ اسرائیل متحدہ عرب امارات (یو اے ای) کی سیکورٹی و سلامتی کی ضروریات کی حمایت کرتا ہے اور مضبوط علاقائی تعلقات کےلیے سیکورٹی کی ضروریات کی مکمل حمایت کرتے ہوئے ہم آپ کی خود مختاری پر کسی بھی قسم کے حملے کی ہر طرح اور ہر زبان میں مذمت کرتے ہیں۔
واضح رہے کہ صہیونی صدر کے متحدہ عرب امارت کے دورے پر یمن کے حوثی باغیوں کا یہ دوسرا حملہ ہے اس سے چند روز قبل بھی ایک حملہ کیا گیا تھا جس میں متحدہ عرب امارات میں تین عام شہری جاں بحق ہو گئے تھے۔