(روزنامہ قدس ۔آن لائن خبر رساں ادارہ) مصری فوج کے ترجمان نے اپنے بیان میں بتایا ہے کہ مشترکہ فوجی کمیٹی اسرائیلی فریق کے ساتھ رابطہ کاری کی میٹنگ کی بنیاد پر سیکیورٹی معاہدے میں ترمیم کرنے میں کامیاب رہی ہے۔
ذرائع کے مطابق گذشتہ روز قابض ریاست اسرائیل اور مصر کے مابین مشترکہ معاہدے پر دستخط کیے گئے جس کے بعد مقبوضہ فلسطینی جزیرہ نما سینا میں رفح کے علاقےسی زون ایریامیں مصری فوج کی موجودگی کو تقویت پہنچاتے ہوئے دونوں ریاستوں کی ہم آہنگی کے بعد رفح میں سرحدی محافظوں کی تعداد اور ان کے اختیارات میں اضافہ کیا جائے گا۔
مصری فوج کے ترجمان نے اپنے بیان میں بتایا ہے کہ مشترکہ فوجی کمیٹی اسرائیلی فریق کے ساتھ رابطہ کاری کی میٹنگ کی بنیاد پر سیکیورٹی معاہدے میں ترمیم کرنے میں کامیاب رہی ہے ۔
واضح رہے کہ 17 ستمبر 1978 کو واشنگٹن میں معاہدے پر دستخط ہوئے جسے کیمپ ڈیوڈ کا نام دیا گیا اور مارچ 1979 میں ان معاہدوں کے نتیجے میں اسرائیل اور مصر کے درمیان امن معاہدہ ہوا جس کے نتیجے میں ان دونوں ممالک کے درمیان 31 سالہ جنگ کا اختتام ہوا۔