مرکز اطلاعات فلسطین کے مطابق ایک تقریب سے وینزویلا کے وزیراعظم نیکولس ماڈورو نے کہا کہ ہیروڈس بھی اپنے دور میں بچوں اور معصوم لوگوں کے سفاکانہ قتل میں ملوث رہا ہے۔ بنجمن نتین یاھو ہیروڈس کا جانشین بن چکا ہے اور اب تک سیکڑوں بچوں کو شہید اور ہزاروں کو اپاہج بنا چکا ہے۔
نیکولس ماڈورو نے کہا کہ غزہ کی پٹی پر اسرائیل کی تازہ جارحیت کے نتیجے میں 500 بچے اور بچیاں شہید ہو چکی ہیں جبکہ 3000 بچے زخمی اور اپاہج ہوئے ہیں۔ وینزویلا کے وزیراعظم کا کہنا تھا کہ اسرائیل ایک دہشت گرد ریاست ہے اور منظم دہشت گردی اور فوجی طاقت کے ذریعے فلسطینیوں کی نسل کشی کا مرتکب ہو رہا ہے۔ انہوں نے کہا کہ نیتن یاھو تو یہ چاہتا ہے کہ اس کے سامنے تمام فلسطینی بچوں کو قتل کر دیا جائے۔ اگر تمام فلسطینی شہید بھی کر دیے جائیں تو نیتن یاھو کی سفاکیت پھر بھی ختم نہیں ہو گی۔
خیال رہے کہ ہیروڈس کے بارے میں تاریخ میں کئی واقعات ملتے ہیں۔ اس کے بارے میں مشہور ہے کہ اس نے حضرت عیسیٰ مسیح علیہ السلام کی پیدائش روکنے کے لیے فلسطین کے علاقے بیت لحم کے تمام بچوں کو ذبح کرنے کا حکم جاری کیا تھا۔ اس کے حکم پر سیکڑوں بچوں کو قتل کردیا گیا تھا۔