(روزنامہ قدس ۔آن لائن خبر رساں ادارہ) وزیر خارجہ نے کہا کہ عالمی برادری بھارت کی ریاستی دہشت گردی رکوانے میں اپنا کردار ادا کرے اور وادی کشمیر میں بے گناہ افراد کا قتل عام بند کرائے۔
تفصیلات کے مطابق گذشتہ روز جرمنی کی وزیر خارجہ انالینا بیئربوک کی پاکستان آمد پراسلام آباد میں موجودہ وزیرخارجہ بلاول بھٹو نےاپنی ہم منصب جرمن وزیر خارجہ کے ہمراہ پریس کانفرنس میں مقبوضہ کشمیر سے متعلق خطاب میں کہا ہے کہ پاکستان مقبوضہ کشمیر کا پرامن حل چاہتا ہے جو اقوام متحدہ کی قرار دادوں کے مطابق ہو تاکہ کشمیری اپنے حقوق کی آزادی کے ساتھ زندگی گزار سکیں۔
ان کا کہنا تھا کہ عالمی برادری بھارت کی ریاستی دہشت گردی کے رکوانے میں اپنا کردار ادا کرے اور وادی کشمیر میں جاری بے گناہ افراد کا قتل عام بند کرائے جس کے باعث صرف دو ہفتوں کے دوران 15 ک نہتے کشمیریوں کو شہید کر دیا گیا ہے۔
انہوں نے کی وزیر خارجہ انالینا بیئربوک کی پاکستان آمد پر ان کا شکریہ ادا کیا اور کہا کہ جرمنی پاکستان کے لیے بہترین ایکسپورٹ کی منزل ہے، پاکستان اور جرمنی باہمی تعلقات کو مزید فروغ دینے کے لیے پرعزم ہیں۔