(روزنامہ قدس ۔آن لائن خبر رساں ادارہ) تنویر صادق نے مزید کہا کہ میڈیا کو حاصل بین الاقوامی آزادی کی کھلی خلاف ورزیوں اور عائد پابندیوں کے ذریعے مقبوضہ علاقے میں معلومات تک رسائی کو روکنا اورصحافیوں کی گرفتاریاں عالمی قانون کو اپنے ہاتھوں میں لینے کے مترادف ہے۔
تفصیلات کے مطابق گذشتہ روزمقبوضہ جموں و کشمیر میں نیشنل کانفرنس کی جانب سے آزادی صحافت سے متعلق پریس کونسل آف انڈیا کی فیکٹ فائنڈنگ کمیٹی کے نتائج کو بھارتی قابض انتظامیہ کے صحافیوں اور صحافتی اداروں کے ساتھ روا رکھے جانے والے سلوک کے بارے میں مودی حکومت کے خلاف ایک فرد جرم قرار دیا۔
نیشنل کانفرنس کے ترجمان اعلیٰ تنویر صادق نےاپنے بیان میں کہا کہ فیکٹ فائنڈنگ کمیٹی کی جاری کردہ رپورٹ میں واضح کیاگیا ہے کہ کس طرح بھارتی مظالم کو منظر عام پر لانے سے روکنے کیلیے مقبوضہ کشمیر خصوصاً وادی کشمیرمیں اخبارات اور نیوز چینلوں سمیت ذرائع ابلاغ کی آواز کو پابندیوں کا نشانہ بنا کر آہستہ آہستہ دبایا جا رہا ہے۔
تنویر صادق نے مزید کہا کہ میڈیا کو حاصل بین الاقوامی آزادی کی کھلی خلاف ورزیوں اور عائد پابندیوں کے ذریعے مقبوضہ علاقے میں معلومات تک رسائی کو روکنا اورصحافیوں کی گرفتاریاں عالمی قانون کو اپنے ہاتھوں میں لینے کے مترادف ہےجس کے خلاف ہم آواز اٹھاتے رہیں گےاور بھارت میں دیگر لبرل اور جمہوری قوتوں کوجموں و کشمیر کی زمینی صورتحال سے آگاہ کر تے رہیں گے