(روزنامہ قدس ۔آن لائن خبر رساں ادارہ) بھارتی فوج نےعلاقے کے تمام داخلی اور خارجی مقامات کی ناکہ بندی کی اور اس دوران نہتے مسلمان نوجوانوں کو بغیر کسی جرم کےوحشیانہ تشدد کر تے ہوئے براہ راست گولیاں مارکرشہید کیا۔
کشمیرمیڈیاسروس کے مطابق مقبوضہ جموں و کشمیر میں بے گناہ مسلمان کشمیریوں کی نسل کشی کے ایجنڈے پر عمل پیرا بھارتی فوج نے گذشتہ روز سرینگر کے علاقہ نوگام میں ریاستی دہشت گردی کا نشانہ بناتے ہوئے مزید 3 کشمیری نوجوانوں کو شہید کردیا۔
بھارتی فوج کے مسلح اہلکاروں نےعلاقے کے تمام داخلی اور خارجی مقامات کی ناکہ بندی کردی اور لوگوں کو گھرسے باہر نکلنے کی اجازت نہیں دی، اس دوران نہتے مسلمان نوجوانوں کو بغیر کسی جرم کےوحشیانہ تشدد کیا اور اہل علاقہ کو ہراساں کر تے ہوئے براہ راست گولیوں کا نشانہ بناکر شہید کیا۔
سرینگر میں بھارتی انسپکٹر جنرل آف پولیس وجے کمار نےاپنے بیان میں دعویٰ کیا ہے کہ کچھ عسکریت پسندوں کو پھنسایا گیا ہے اور ان میں وہ لوگ بھی شامل ہیں جو 9 مارچ کو شہر کے کھون موہ علاقے میں ایک سرپنچ کے قتل میں ملوث تھے۔
اب تک کی اطلاعات کے مطابق بھارتی فوج کی دہشت گردانہ کارروائی تاحال علاقے میں جاری ہے جس کے باعث حسب معمول بھارتی حکام کےاحکامات کے مطابق ٖون اور موبائل سروسز بند کر دی گئی ہے جبکہ ریلوے حکام نے بانہال سے بارہمولہ تک ریل سروس کوبھی معطل کردیا ہےاور یہ کشمیری علاقہ پوری طرح سے باقی دنیا سے کٹ کے رہ گیا ہے۔
واضح رہے کہ مقبوضہ کشمیر میں بھارتی فوج کی جاریبر بریت کے نتیجے میں صرف اس ماہ کے دوران 16 کشمیریوں کو شہید کر دیا گیا،اس کے علاوہ 407 کشمیری نوجوانوں کو گرفتار کیاجا چکا ہے اورچادر اور چار دیواری کیخلاف ورزی کر تے ہوئے 3 خواتین کی آبرو ریزی کی گئی۔