(روزنامہ قدس ۔آنلائن خبر رساں ادارہ) سید علی گیلانی کے اہل خانہ کی جانب سے مطالبہ کیا گیا ہے کہ سید علی گیلانی کی تدفین ان کی خواہش کے مطابق مزارِ شہداء میں کرنے دی جائے۔
تفصیلا ت کے مطابق مقبوضہ کشمیر کے سینئر کشمیری حریت رہنما سید علی گیلانی گزشتہ روز انتقال کر گئے جس کے بعد سید علی گیلانی کے نمائندۂ خصوصی عبداللّٰہ گیلانی کا بیا ن سامنے آیا ہے جس کے مطابق بھارتی فوج نے سید علی گیلانی کا جسدِ خاکی زبر دستی اپنے قبضے میں لے کر رات کے اندھیرے میں سخت سیکیورٹی میں نا معلوم مقام پر سپردِ خاک کر دیا جس کے باعث ہمیں نہیں معلوم کہ سید علی گیلانی کی تدفین کہاں کی گئی ہے۔
سید علی گیلانی کے نمائندۂ خصوصی نےبھارتی فوج پر الزام عائد کیا ہے کہ سید علی گیلانی کے اہلِ خانہ پر تشدد کیا گیا ہےاور ان کے اہل خانہ کی جانب سے مطالبہ کیا گیا ہے کہ سید علی گیلانی کی تدفین ان کی خواہش کے مطابق مزارِ شہداء میں کرنے دی جائے۔