(روزنامہ قدس ۔آن لائن خبر رساں ادارہ) قیدی کلب نے عالمی اداروں سے فلسطینی اسیر کی صہیونی جیل سے فوری رہائی کی اپیل کرتے ہوئےکہا کہ ابو ھواش 3 مہینے اور 18 روز سے بغیر خوراک کے شدید اذیتوں کا شکار ہے جس کے باعث ان کی جان کو لاحق خطرات کسی بھی وقت شدت اختیار کر سکتے ہیں۔
ذرائع کے مطابق مقبوضہ فلسطین میں فلسطینی اسیروں کے امور سے متعلق کمیٹی قیدی کلب نے گذشتہ روزصہیونی جیل میں 108 دنوں سے احتجاجی بھوک ہڑتال پر قائم فلسطینی قیدی ھشام ابو ھواش کی شدید بگڑتی حالت کے پیش نظرانسانی حقوق کے عالمی اداروں سے اسیر کی انتظامی قید کی غیر قانونی حراست سے رہائی کیلیے فوری اقدامات کی اپیل کر دی۔
قیدی کلب کے مطابق ھشام ابو ھواش کی مسلسل جاری بھوک ہڑتال کی وجہ سے بات کرنے سے قاصر ہے جس کے باعث صہیونی فوجی عدالت عوفر نے اسیر کی بد ترین حالت کے بعد جیل کے ہسپتال کی رپورٹ آنے تک ایک ہفتے کے لیے سماعت ملتوی کردی ہے۔
قیدی کلب نے عالمی اداروں سے فلسطینی اسیر کی صہیونی جیل سے فوری رہائی کی اپیل کرتے ہوئےکہا کہ ابو ھواش 3 مہینے اور 18 روز سے بغیر خوراک کے شدید اذیتوں کا شکار ہے جس کے باعث ان کی جان کو لاحق خطرات کسی بھی وقت شدت اختیار کر سکتے ہیں، کمیٹی نے عالمی اداروں سے اسیر کی جان بچانے کےلیے فوری اقدامات کا مطالبہ کیا۔