برطانیہ میں موجود فلسطینی فورم کا کہنا ہے کہ انہوں نے مانچسٹر اور لندن میں 9ویں سالانہ یوم فلسطین کی تیاریاں مکمل کرلی ہیں۔ یہ دن رواں ماہ کی 26 یا 27 تاریخ کو منایا جائے گا۔
فورم کے سربراہ حافظ الکرمی نے کہا ہے کہ یہ تقریب نکبہ کو یاد کرنے کے لئے منعقد کی جانے والی سالانہ تقریبات کا حصہ ہیں اور ان کا مقصد اپنے وطن اور فلسطینی شناخت سے رشتے کو مضبوط کرنا ہے۔
کرمی کے مطابق یہ تقریب ” آزادی برائے فلسطینی سیاسی اسیران ۔۔۔ آزادی برائے یروشلم” کے نعرے تلے منعقد کی جائے گی۔ اس نعرے سے فلسطینی کمیونیٹیز کے اسرائیلی جیل میں قید فلسطینی اسیران کے مسائل پر تشویش کا اظہار ہوتا ہے وہیں مقبوضہ یروشلم میں اسرائیلی جرائم کے خلاف غصے کا اظہار ہوتا ہے۔
تقریب کے چیف سپروائزر عدنان حمیدان کا کہنا ہے کہ اس سال یوم فلسطین کے موقع پر ثقافتی اور لوک ورثے کی سرگرمیاں ہوں گی اور اس کے علاوہ ایک رفاہی بازار بھی لگایا جائے گا۔
حمیدان کے مطابق اس موقع پر فورم کچھ برطانوی رہنمائوں اور سیاست دانوں کو مسئلہ فلسطین کی حمایت میں آواز اٹھانے اور قابل قدر کام کرنے کے اعزاز میں اعزازی شلیڈز بھی دے گا۔
بشکریہ:مرکز اطلاعات فلسطین