ترکش ائیر”لائن مائیلز اینڈاسمائلز” کےتحت قافلہ طبی امداد لیکرغزہ پہنچ گیا

ترکش ائیر لائن "مائیلز اینڈ اسمائلز :کا قافلہ طبی امدا د لیکر غزہ پہنچ گیا،یہ قافلہ رفاہ بارڈر کراسنگ کے زریعے بدھ کے روز غزہ پہنچا

مہم کے رابطہ کار برائے یورپ خالد ال یوسف نے بتایا کہ قافلہ گزشتہ اتوار کو مصر کے شہر اسکندریہ سے غزہ کے لیے روانہ ہوا تھا۔

انہوں نے مزیدبتایا کہ مائیلز اینڈ اسمائلز گزشتہ سال مئی سے  اپنے فلسطینی بھائیوں کے لیے دوائیاں اور دیگر طبی اشیابھجوارہا ہے،جو کہ محصورین غزہ کے لیے بے حد کارآمد ثابت ہورہی ہیں۔اور یہ ایک سال میں طبی سامان پر مشتمل تیسرا قافلہ ہے۔

یادرہے کہ اسرائیل کی جانب سے غزہ شہر کو گزشتہ 12سالوں سے غیرقانونی محاصرے میں رکھا گیا ہے اس دوران غزہ میں آمدورفت پر پابندی ہے۔ غزہ کے شہریوں کو طبی بنیادوں پر بھی شہر سے جانے کی اجازت نہیں ملتی جبکہ اقوام متحدہ کے ادارے برائے بحالی نے گزشتہ  ماہ آگاہ کیا تھا کہ اسرائیل کی جانب سے جاری محاصرے کے باعث غزہ میں خوراک اور ادویات کی شدید قلت ہے اگر فوری اقدامات نا کیئے گئےتو غزہ میں انسانی المیہ جنم لے سکتا ہے ۔