اسرائیلی وزارت دفاع کی رپورٹ اسرائیلی اخبارات میں بھی شائع ہوئی ہے۔ عبرانی اخبار "یدیعوت احرونوت” کی رپورٹ میں کہا گیاہے کہ ایک ماہ اور گیارہ دنوں میں فلسطینیوں نے 609 مزاحمتی کارروائیاں کیں۔ ان میں 12 صہیونی ہلاک اور 257 زخمی ہوئے۔
عبرانی زبان میں نشریات پیش کرنے والے ٹی وی چینل کی رپورٹ کے مطابق فلسطینیوں کے حملوں میں 19 صہیونی فوجی اپاہج ہوگئے ہیں۔ عبرانی ویب سائیٹ کے مطابق فلسطینیوں کے مزاحمتی حملوں کے نتیجے میں یہودی آباد کاروں میں 25 فی صد خوف میں اضافہ ہوا۔
خیال رہے کہ اکتوبر کے اوائل سے جاری تحریک کے دوران اسرائیلی فوج کی وحشیانہ کارروائیوں میں 80 سے زائد فلسطینی شہری شہید اور ہزاروں کی تعداد میں زخمی ہوچکے ہیں۔ اس کے باوجود فلسطینی شہریوں نے دشمن کے خلاف چاقو کی کارروائیوں کے نتیجے میں صہیونیوں میں خوف کی فضاء میں غیرمعمولی اضافہ ہوا ہے۔