فلسطین کے مقبوضہ مغربی کنارے کے شہروں اور بیت المقدس میں جمعرات کو اسرائیلی فوج نے تلاشی کی کارروائیوں کے دوران کم سے کم 55 فلسطینیوں کو حراست میں لے لیا ہے۔ تلاشی کی کارروائیوں میں بڑے پیمانے پر توڑپھوڑ اور لوٹ ماربھی کی گئی ہے۔
رپورٹ کے مطابق جمعرات کو علی الصباح مغربی کنارے کے نابلس شہر میں تلاشی کے دوران سات فلسطینیوں معتصم ریحان، صحافی محمد نمر عصیدہ، جہاد الھندی، خذیفہ زیادۃ، بشیر زیادہ، محمود وجیہ قط اور عبداللہ العکر کو گرفتار کیا گیا۔چھ فلسطینیوں کو بیت المقدس میں تلاشی کے دوران حراست میں لیا گیا۔ گرفتار ہونے والوں میں سے تین کا تعلق جبل المکبر سے جب کہ تین کا عناتا سے ہے۔ رام اللہ میں تلاشی کی کارروائی کے دوران ایک شہری نور القاضی کو حراست میں لیا گیا۔
الخلیل شہر میں تلاشی کے دران سات فلسطینیوں کو گرفتار کیا گیا۔ ان میں سے ایک کی شناخت محمود العفو العملہ کے نام سے کی گئی ہے جس کا تعقل بیت اولا سے ہے۔ بیت لحم سے صالح زیادہ سرحان نامی شہری کو حراست میں لیا گیا۔
تلاشی کی کارروائیوں میں بیت لحم سے محمد سعید، شریف الھیمونی، عبدالرحمان الحداد اور ایک اور شہری جس کی شناخت نہیں کی جاسکی کو حراست میں لیا گیا ہے۔
شمالی بیت امر میں مقامی سماجی کارکن محمد عیاد عوض نے بتایا کہ صہیونی فوجیوں نے خلہ العین، الحارہ، التحتار اور الظہر کالونیوں میں چھاپے مارے اور گھر گھر تلاشی کے دوران توڑپھوڑ کی گئی۔
جنین شہر میں تلاشی کی کارروائیوں میں حمزہ ایمن محمد انعیم ابو عیاش، ابراہم خالد صبارنہ، مالک فہمی عبدالحمید زعاقیق اور ایک چوتھے شہری کو جس کی شناخت نہیں ہوسکی حراست میں لیا گیا۔
اندرون فلسطین سےبھی اسرائیلی فوجیوں نے ایک ریلی میں شرکت کرنے کی پاداش میں 30 کے قریب فلسطینیوں کو حراست میں لیا ہے۔ زیادہ گرفتارریاں عکا شہر سے کی گئیں۔ گرفتار ہونےو الوں میں چار کم عمر بچے بھی شامل ہیں۔