(روزنامہ قدس ـ آنلائن خبر رساں ادارہ) بھارت میں حزبِ اختلاف کی جماعت انڈین نیشنل کانگریس کی جنرل سیکرٹری پریانکا گاندھی کی غزہ میں صہیونی مظالم پر انتہاءپسند بھارتی حکومت کی مجرمانہ خاموشی پر تنقید ۔
سوشل میڈیا پلیٹ فارم ایکس پر جاری بیان میں پریانکا گاندھی نے کہا کہ قابض اسرائیل اب تک ساٹھ ہزار سے زیادہ افراد کو بے دردی سے شہید کرچکا ہے جس میں اٹھار ہزار چار سو تیس بچے شامل ہیں۔
انہوں نے کہا کہ صہیونی حکومت کی جابرانہ پابندیوں کی وجہ سے سیکڑوں بچوں سمیت کئی افراد غذائی قلت سے شہید ہور ہے ہیں۔
پریانکا گاندھی کا کہنا تھا کہ غاصب سفاک اسرائیل کے ان جرائم پر خاموشی اور اس پر کارروائی نہ ہونا بذات خود ایک جرم ہے یہ شرمناک ہے کہ قابض حکومت غزہ پر تباہی مسلط کر رہی ہے اور بھارتی حکومت کی خاموش انسانیت سوز ہے۔
اپوزیشن رہنما نے مزید کہا کہ الجزیرہ کے پانچ صحافیوں کا بہیمانہ قتل فلسطینی سرزمین پرایک اورگھناؤنا جرم ہے، سچائی کے لیے کھڑے ہونے والوں کا حوصلہ سفاک صہیونی حکومت کے مظالم اور نفرت سے کبھی نہیں ٹوٹے گا۔
پریانکا گاندھی کا کہنا تھا کہ ان بہادر صحافیوں نے ہمیں بتایا ہے کہ حقیقی صحافت کیا ہے، خدا ان کی روح کو سکون دے۔
