ناروے کا نتن یاہو کی گرفتاری سے متعلق اہم اعلان

(روزنامہ قدس ـ آنلائن خبر رساں ادارہ) غزہ میں عوام کو جبری قحط میں مبتلا کرنے کے نتیجے میں دنیا بھر میں نتن یاہو کے خلاف نفرت اور غم و غصّے میں اضافہ ہورہا ہے۔

اس حوالے سے ناروے کے نائب وزیر خارجہ نے اعلان کیا ہے کہ اگر سفاک و ظالم قابض اسرائیلی وزیر اعظم نتن یاہو ناروے کا دورہ کرتے ہیں تو ان کے خلاف عالمی عدالت کا جاری کردہ وارنٹ گرفتاری نافذ العمل ہوگا اور انہیں گرفتار کرلیا جائے گا۔

نائب وزیر خارجہ نے غزہ میں جابرانہ صہیونی اقدامات کو نسل کشی قرار دیا اور کہا کہ ہم قابض اسرائیل کے اقدامات کو غزہ کے شہریوں کے خلاف نسل کشی کے مترادف سمجھتے ہیں۔

ناروے کے اعلی اہلکار نے غزہ میں اسکولوں اور صحافیوں کو نشانہ بنانے پر سفاک وظالم صہیونی حکومت کو شدید تنقید کا نشانہ بنایا۔ خاص طور پر الجزیرہ کے شہید صحافیوں اور ان کے اہل خانہ پر ہونے والے حملے کی مذمت کرتے ہوئے کہا کہ یہ ایک ناقابلِ قبول اقدام ہے اور ہم اس کی سخت مذمت کرتے ہیں۔