(روزنامہ قدس ـ آنلائن خبر رساں ادارہ) اٹلی کی سیاسی جماعت فائیو اسٹار موومنٹ کے ارکان نے اطالوی پارلیمنٹ میں فلسطینی پرچم کے رنگوں والے لباس زیب تن کرکے فلسطینیوں سے اظہارِ یکجہتی۔
پارلیمنٹ کے اجلاس کے دوران فائیو اسٹار موومنٹ جماعت کے اراکین نے کہا کہ آج ہم اس پرچم کو اپنے جسم سے لگا رہے ہیں کیونکہ لہرانے پر آپ ہم سےیہ پرچم چھین لیں گے۔ یہ اب صرف فلسطین کا پرچم نہیں بلکہ انسانیت کے لیے جدوجہد کرنے والوں کا عالمی پرچم بن چکا ہے۔
یہ اقدام سفاکانہ صہیونی حملوں کے خلاف عالمی سطح پر بڑھتے ہوئے احتجاج اور فلسطینی عوام سے ہمدردی کے اظہار کے سلسلے کاحصہ ہے۔واضح رہے کہ غزہ پر قابض ظالمانہ ریاست اسرائیل کے وحشیانہ حملے جاری ہیں حالیہ غاصب فوج کی درندگی کے نتیجے میں مزید ڈیڑھ سوسے زائد فلسطینی شہید ہوگئے۔
صہیونی جابر فوج کی جانب سے غزہ پر ظالمانہ حملے رکنے کا نام نہیں لے رہے گزشتہ چوبیس گھنٹوں میں ایک سو پچاس سے زائد فلسطینی شہید ہوئے ۔شہدا میں امداد کے منتظر نوے فلسطینی بھی شامل ہیں۔
