حزب اللہ: اسرائیل یمنی عوام کے جذبے کو سمجھنے سے قاصر ہے

(روزنامہ قدس ـ آنلائن خبر رساں ادارہ) صیہونی حکومت کی گناہ آلود جارحیت، جس میں یمن کی بندرگاہوں اور اہم تنصیبات کو نشانہ بنایا گیا، ہم اس کی شدید مذمت کرتے ہیں۔دشمن یہ وہم نہ کرے کہ ایسی جارحیت سے وہ یمن کو غزہ کی حمایت جیسے باوقار مؤقف سے ہٹا سکتا ہے یا انہیں اس راہ سے روک سکتا ہے۔

یمنی مجاہدین کی طرف سے دشمن کی ناجائز بقا کے گہرائیوں تک پہنچنے والے دردناک اور تباہ کن حملے جاری رہیں گے۔صیہونی دشمن اب تک صابر و مجاہد یمنی قوم کی اصل فطرت کو سمجھنے سے قاصر ہے۔یمن کی قیادت اور عوام کا مؤقف امام حسینؑ کے اس راستے کا تسلسل ہے جو ظلم سے سمجھوتہ نہیں کرتا اور ذلت و پستی کو قبول نہیں کرتا۔ہر حملہ، یمن کی ثابت قدمی، مزاحمت اور عزم کو مزید تقویت دے گا، تاکہ وہ غزہ پر حملے کے خاتمے اور محاصرے کے رفع ہونے تک اس جدوجہد کو جاری رکھیں۔

حزب اللہ اس بزدلانہ جارحیت کو ناکام قرار دیتی ہے،جس طرح پہلے امریکہ کی جارحیت یمن میں ناکام ہوئی،اسی طرح یہ حملہ بھی ناکام ہوگا۔ہم ایک بار پھر یمن کے باوقار عوام کی بھرپور اور غیرمتزلزل حمایت کا اعلان کرتے ہیں،اور تمام آزاد اقوام، خاص طور پر عرب و اسلامی عوام سے اپیل کرتے ہیں کہاپنی آواز بلند کریں اور اس بہادر و مجاہد قوم کی حمایت کریں جو پوری امت کی عزت کی حفاظت کر رہی ہے۔