دنیا میں ملکوں اور حکومتوں کی کرپشن کے بارے میں تحقیقات جمع کرنے والی عالمی تنظیم ’’ٹرانسپیرنسی انٹرنیشنل‘‘ نے اپنی تازہ رپورٹ میں بتایا ہے کہ اسرائیل میں رواں سال 2012ء کرپشن کے سابقہ تمام ریکارڈ ٹوٹ گئے ہیں۔ رپورٹ کے مطابق اسرائیل کرپشن میں 171 ممالک کی فہرست میں 39 نمبر پرآگیا ہے۔ رپورٹ کے مطابق ایک سال قبل اسرائیل تین درجے کرپشن میں کم تھا جو رواں سال بڑھ کرانتالیس ویں نمبرپر آگیا ہے
ادھراسرائیلی میڈیا میں صہیونی حکومت کی کرپشن کہانیاں بھی تیزی سے پھیل رہی ہیں۔ رپورٹس کے مطابق حکومتی حلقوں میں بدعنوانی کے بڑھتے واقعات کے نتیجے میں عوام سخت مایوس ہیں اور عوام کا حکومتی اداروں سے اعتماد اٹھ چکا ہے۔
رپورٹس میں بتایا گیا ہے کہ اسرائیلی حکومت ملک کو کرپشن فری بنانے کے تمام دعوؤں کے باوجود اس ناسور پرقابو پانے میں ناکام رہی ہےاور ایسے لگتا ہے کہ حکومت ائندہ کچھ عرصے کے دوران ملک کو دیوالیہ بنا کر چھوڑنے والی ہے۔ کیونکہ ملک جس تیزی کے ساتھ کرپشن کی دلدل میں اتر رہا ہے وہ کسی بڑے خطرے سے کم نہیں ہے۔