فلسطین کے مقبوضہ مغربی کنارے کے جنوبی شہر بیت لحم میں جمعہ کے روز اسرائیلی فوج کی جانب سے شروع کی گئی تلاشی کی کارروائی کے دوران چھ بچوں سمیت کم سے کم تیرہ افراد کو حراست میں لے لیا گیا ہے۔
ذرائع کے مطابق سات فلسطینی شہریوں کو غزہ کی پٹی سے حفاظتی باڑ عبور کرنے کے الزام میں گرفتار کیا گیا۔ اسرائیلی فوجیوں نے دعویٰ کیا ہے کہ غزہ کی پٹی کے خان یونس شہر سے سات فلسطینی "اشکول” نامی علاقے میں داخل ہوگئے تھے جنہیں حراست میں لے لیا گیا ہے۔اسرائیلی فوجی ذرائع کےمطابق مغربی کنارے کے شہر بیت لحم میں تلاشی کے دوران تقوع قصبے سے چھ بچوں کو گرفتار کیا گیا۔ گرفتار کیے گئے بچوں کی شناخت عمر عیسیٰ صباح، موید سامی حمیدہ، محمود علی صباح، احمد ابراہیم صباح، محمد محمود العمور اور احمد اسماعیل صباح کے ناموں سے کی گئی ہے۔ ان کی عمریں 13 اور 15 سال کے درمیان بتائی جاتی ہیں۔