بنگلورو (روز نامہ قدس ۔آن لائن خبر رساں ادارہ) فلسطینی علماء کے ایک وفد نے جو ہندوستان کے شہر بنگلورو کے دورے پرہے۔ انہوں نے کہا کہ مسلمانوں کا قبلہ اوّل اور مسجد اقصی خطرے میں ہے۔
روز نامہ قدس کو موصول ہونے والی اطلاعات کے مطابق فلسطینی علماء کا وفد ان دنوں بنگلورو کے دورے پر ہے۔ فلسطین کے معروف عالم دین یوسف علی الیوسف اور فلسطین کی مجلس العلماء کے رکن ڈاکٹر ابراہیم احمد اس وفد میں شامل ہیں۔
اس موقع پر فلسطینی علماء نے کہاکہ یہودی قوم قبلہ اوّل اور مسجد اقصی کی بے حرمتی کر رہی ہے۔
اسرائیلی فوج روزانہ ہزاروں یہودیوں کو مسجد میں داخل کرواکر اس کے تقدس کو پامال کررہی ہے۔
فلسطینی نمائندوں نے کہا کہ یہودی چاہتے ہیں کہ مسجد اقصی میں ان کی عبادت گاہ قائم ہو۔ انہوں نے کہا کہ فلسطینی عوام پرمظالم ڈھائے جارہے ہیں۔
خواتین، بچوں کو بھی بخشا نہیں جارہاہے۔ اس خطرناک دور میں بھی فلسطینی عوام آزادی کی لڑائی لڑ رہی ہے۔