کراچی میں یوم القدس کے شہداء کی نماز جنازہ

کراچی میں یوم القدس میں شرکت کے لئے آنے والی بس پر بم دھماکے کے نتیجے میں شہید ہونے والے امتیاز علی اور منظور حسین کی نماز جنازہ نمائش چورنگی پر ادا کردی گئی۔ نماز جنازہ حجتہ السلام و المسلمین مولانا سید منور علی نقوی نے اقتداء میں ادا کی گئی۔ اس موقع پر مجلس وحدت مسلمین پاکستان کے مرکزی ڈپٹی سیکریٹری جنرل علامہ امین شہیدی، امامیہ اسٹوڈنٹس آرگنائزیشن پاکستان کے مرکزی صدر اطہر عمران، شیعہ علماء کونسل سندھ کے جنرل سیکریٹری علامہ ناظر عباس تقوی، مولانا صادق تقوی، مولانا مرزا یوسف حسین، علامہ آفتاب حیدر جعفری، علامہ عباس کمیلی، مولانا جعفر سبحانی، مولانا علی محمد نقوی، مولانا اصغر حسین شہیدی اور برادر علی اوسط سمیت سوگواران کی بڑی تعداد موجود تھی۔