مظفر احمد ہاشمی،علامہ قاضی احمد نورانی صدیقی،علامہ آفتاب حیدر جعفری،مولانا سید عقیل انجم اور صابر کربلائی کا مشترکہ اظہار مذمتفلسطین فاؤنڈیشن پاکستان کے مرکزی رہنماؤں کاکہنا تھا کہ لاکھوں بے گنا ہ فلسطینی عوام کی قاتل غاصب صیہونی ریاست اسرائیل کے حق میں بیان دے کر سابق صدر پرویز مشرف نے نہ صرف پاکستان کے آئین کی توہین کی ہے بلکہ دنیا بھر کے مسلمانوں کے جذبات کو بھی مجروح کیا ہے ،ان کاکہنا تھا کہ غاصب صیہونی ریاست اسرائیل نے لاکھوں بے گناہ عوام بشمول بچوں،خواتین اور بزرگوں کا قتل عام کیا ہے اور پرویز مشرف کہتے ہیں کہ اسرائیل کی پاکستان سے دوستی مفاد ات کا پیش خیمہ ہو گی۔
رہنماؤں نے واضح کیا کہ دفاع فلسطین در اصل دفاع پاکستان ہے ،کیونکہ پاکستان میں ہونے والی دہشت گردانہ کاروائیاں جن میں نہ صرف معصوم عوام بلکہ پولیس،فوج اور دیگر سرکاری اداروں کے اہلکار بھی شہید ہوئے ہیں ان سب کے پیچھے صرف اور صرف امریکہ اور اس کی ناجائز اولاد اسرائیل کا ہاتھ کارفرما ہے کیونکہ امریکہ اور اس کی ناجائز اولاد اسرائیل چاہتے ہیں پاکستان کو عدم استحکام کا شکار کر دیا جائے اور صیہونی ناپاک عزائم کو سرزمین پاکستان پر مکمل کر لیا جائے۔
رہنماؤں کاکہنا تھا کہ ایک طرف مشرف پاکستان میں تبدیلی کی بات کرتے ہیں اور دوسری طرف پاکستان دشمن قوتوں سے دوستی اور لاکھوں بے گناہوں کے قاتل صیہونی غاصب ریاست سے دوستی کی بات نے پرویز مشرف کے ناپاک عزائم کو واضح کر دیا ہے ،انہوں نے غاصب صیہونی ریاست اسرائیل کے حق میں بیان دے کر نہ صر ف دنیا بھر کے مسلمانوں ،فلسطین کے مظلوم عوام کے خون سے نا انصافی کی ہے بلکہ پاکستان کے غیور اور دلیر عوام کے جذبات کی بھی توہین کی ہے جسے پاکستان کے عوام معاف نہیں کریں گے،انہوں نے مزید کہا کہ عوام صیہونی دہشت گردوں کے ایجنٹوں سے ہوشیار رہیں اور اپنی صفوں میں ایسے افراد کو داخل نہ ہونے دیں جو قاتلوں کی حمایت کرتے ہیں ۔