ٹرمپ منصوبہ قابض فوجی انخلا کے لائحہ عمل سے خالی ہے: آئی سی جے پی

(روزنامہ قدس ـ آنلائن خبر رساں ادارہ) بین الاقوامی تنظیم انٹرنیشنل سینٹر آف جسٹس فار فلسطین ( آئی سی جے پی) نے ڈونلڈ ٹرمپ کے غزہ سے متعلق امن منصوبے پر تحفظات کا اظہار کردیا۔تنظیم نے بیان میں کہا کہ ٹرمپ غزہ منصوبہ انصاف دے رہا ہے اور نہ ہی احتساب کر رہا ہے۔

بیان میںمزید کہا گیا کہ ٹرمپ کا منصوبہ سطحی، نوآبادیاتی سوچ کا حامل اور فلسطینی خواہشات سے مبرا ہے یہ نہ تو مسائل کو حقیقی طور پر حل کرتا ہے اور نہ ہی فلسطینی عوام کی رائے یا خواہشات کا احترام کرتا ہے۔

تنظیم کے مطابق منصوبہ قاتل صہیونی قبضے کی بنیادی وجوہات کو نظرانداز کرتا ہے اور اس میں قابض اسرائیلی انخلا کی مبہم شرائط کے نفاذ کا کوئی طریقہ موجود نہیں۔آئی سی جے پی نے خبردار کیا کہ امریکی صدر کے منصوبے کو غاصب اسرائیل امن کی راہ میں رکاوٹ یا تاخیر کے لیے استعمال کر سکتا ہے۔

بین الاقوامی تنظیم نے ٹرمپ کی زیر صدارت بورڈ آف پیس میں جنگی مجرم سابق برطانوی وزیرِ اعظم ٹونی بلیئر جیسے افراد کی شمولیت پر بھی شدید تنقید کی۔