وزارت عظمیٰ کی دوڑ میں نیتن یاھو کو حریفوں پر سبقت: سروے رپورٹ

اسرائیل میں پارلیمنٹ تحلیل کیے جانے اور آئندہ سال مارچ میں نئے پارلیمانی انتخابات کے اعلان کے بعد ذرائع ابلاغ میں نئے وزیراعظم کے بارے میں رائے عامہ کے جائزے جاری ہیں۔ ایک تازہ رپورٹ میں وزیراعظم بنجمن نیتن یاھو اپنے سیاسی حریفوں پر سبقت حاصل ہے۔

اسرائیل کے ایک عبرانی ٹی وی پر کیے گئے رائے عامہ کے جائزے میں 503 افراد سے رائے لی گئی جن میں سے30فی صد نے کہا کہ آئندہ انتخابات میں بھی نتین یاھو ہی ملک کے وزیراعظم بنیں گے۔

اس کے بعد دوسرے نمبر پر 23 فی صد نے لیبر پارٹی کے یتزحاق ہرٹسوگ کو 23 فی صد جبکہ نفتالی بینٹ کو 11 فی صد نے آئندہ کا وزیراعظم قرار دیا۔ سروے رپورٹ میں مستقبل پارٹی کی زیپی لیونی کو چار فی صد اور انتہا پسند وزیرخارجہ آوی گیڈور کو تین فی صد کی حمایت حاصل رہی۔

اس سروے رپورٹ کی اہم بات یہ ہے کہ اس میں 21 فی صد رائے دہندگان نے کہا کہ وہ نہیں جانتے کہ مستقبل میں وزارت عظمٰی کی کرسی پر کون بیٹھے گا۔

خیال رہے کہ حال ہی میں اسرائیلی پارلیمنٹ تحلیل کیے جانے کے بعد آئندہ مارچ میں وسط مدتی انتخابات کرانے کا اعلان کیا گیا ہے۔ تمام سیاسی جماعتوں نے اپنے اپنے منشور کے تحت انتخابی مہم شروع کردی ہے۔

بشکریہ:مرکزاطلاعات فلسطین