(روزنامہ قدس ۔آن لائن خبر رساں ادارہ) دونوں نوجوانوں کو گزشتہ شب بھارتی فورسز نے بربریت کا مظاہرہ کرتے ہوئے فائرنگ کر کے شہید کیا۔
ذرائع کے مطابق گزشتہ روز مقبوضہ جموں و کشمیر کے ضلع کولگام کے یاری پورہ علاقے کے گاؤں چینگام کھار ٹینگ میں بھارتی فورسز نے2 کشمیری نوجوانوں کو نام نہاد سرچ آپریشن کے دوران شہید کیا۔
بھارتی جارحیت کا شکار ہونے والے یہ واحد مظلوم کشمیری نہیں بلکہ ان جیسے نہ جانے کتنے بے گناہ اب تک بھارتی فوج کی درندگی کا نشانہ بن چکے ہیں جنہیں ہندوستان کی فورسزسرچ آپریشن کے بہانے گھروں سے اغوا کر کے نا معلوم مقامات پر منتقل کر کے انسانیت سوز سزائیں دیتی ہے ۔
واضح رہے کہ ساوتھ ایشین وائر کی جانب سے مرتب کیے گئے اعداد و شمار کے مطابق ستمبر 2020 کے دوران بھارتی فورسز نے مبینہ طور پر مختلف 28 واقعات میں کم از کم 55 افراد کو گرفتارکیا جن میں زیادہ ترنوجوان شامل ہیں۔ یہ گرفتاریاں مختلف علاقوں میں جاری کم و بیش 290 سرچ آپریشنز کے دوران کی گئیں۔ ان آپریشنز میں 10 سے زائد رہائشی مکانوں کو بھی تباہ کیا گیا تھا۔