(روزنامہ قدس ۔آن لائن خبر رساں ادارہ) مقبوضہ جموں و کشمیر میں بھارتی فورسز نے جعلی مقابلے کے دوران 3 کشمیری مزدوروں کو شہید کر دیا تھا، تینوں مزدوروں کو بھارتی فورسز کی جانب سے 18 جولائی کو جعلی مقابلے میں شہید کر کے تدفین کر دی گئی تھی جو کام کی تلاش میں سرینگر گئے تھے۔
ذرائع کے مطابق مقبوضہ جموں و کشمیر میں بھارتی فوج نےرواں سال18 جولائی کو نہتے3 کشمیری مسلمانوں کو جوکہ روزگار کی تلاش میں سری نگر آئے تھے جعلی مقابلے میں فائرنگ کر کے شہید کردیا اور ورثہ کی لاعلمی میں ہی تدفین کر دی گئی ۔
دوسری جانب پرامن مظاہروں میں بھارتی فوج کی فائرنگ، شیلنگ اور پیلٹس کے استعمال سے 92 کشمیری شدید زخمی ہوگئے جبکہ آزادی کی جنگ لڑنے والے حریت رہنماؤں سمیت 328 کشمیری نوجوانوں کو حراست میں لےلیا گیا ۔
واضح رہے کہ قابض بھارتی فوج سرچ آپریشن کی آڑ میں بے گناہ کشمیریوں کوگھروں سے اٹھا کرنامعلوم مقام پر منتقل کر دیتی ہے مقبوضہ کشمیر میں روزانہ کی بنیاد پر متعدد کشمیری نوجوانوں کو کالے قانون کے تحت گرفتار کر کے اذیتیں دی جاتی ہیں تاہم آج بھی بھارت کی ریاستی دہشت گردی جاری ہے۔