قاہرہ (روز نامہ قدس ۔آن لائن خبر رساں ادارہ) مصرمیں خطرناک بارود سمیت پکڑے گئے دو اسرائیلی رہا کردیے گئے ہیں۔ اسرائیلی وزارت خارجہ نے قاہرہ میں گرفتار کیے گئے دو اسرائیلیوں کی رہائی کی تصدیق کی ہے۔
روز نامہ قدس کو موصول ہونے والی اطلاعات کے مطابق اسرائیلی وزارت خارجہ کی طرف سے جاری کردہ بیان میں کہا گیا ہے کہ دو اسرائیلی کومصر اور فلسطین کی سرحد کے درمیان طابا گذرگاہ کے قریب مصری فوج نے حراست میں لیا تھا۔ ان کے قبضے سے بارودی مواد بھی برآمد کیا گیا ہے۔ اسرائیلی وزارت خارجہ کا کہنا ہے کہ دونوں اسرائیلیوں کو جرمانہ وصول کرنے کے بعد رہا کر دیا ہے۔
ادھر اسرائیل کے سرکاری ریڈیو کی رپورٹ میں کہا گیا ہےکہ مصری حکام نے جمعہ کے روز دو اسرائیلیوں کو حراست میں لے لیا ہے تاہم اس خبرکی مزید تفصیل بیان نہیں کی گئی۔
اسرائیلی ذرائع ابلاغ کے مطابق پکڑے گئے دونوں اسرائیلیوں کے قبضے سے بندوق، آتشیں اسلحہ اور بارود بھی قبضے میں لیا گیا ہے۔ گذشتہ روز ان دونوں کو رہا کردیا گیا۔