(روز نامہ قدس ۔آنلائن خبر رساں ادارہ) حزب اللہ کے سکریٹری جنرل نعیم قاسم نے کہا کہ مزاحمت "جاری رہے گی اور بڑھے گی” حسن نصر اللہ نے "ایک مزاحمتی جماعت بنائی جو معاشرے کے تمام طبقات کو اکٹھا کرتی ہے، قوم کی تعمیر اور صیہونی قبضے کے خلاف مزاحمت کے لیے کام کرتی ہے۔”
نعیم قاسم نے حزب اللہ کے سربراہ حسن نصراللہ کی شہادت کے چالیسویں روز مکمل ہونے پر اپنی تقریر میں کہا کہ لبنان کے خلاف جارحیت ایک ماہ اور دس دنوں سے جاری ہے اور اب اس سے کوئی فرق نہیں پڑتا ہے کہ جنگ کیسے شروع ہوئی اس کی وجہ کیا بنی۔ غزہ اورلبنان کے خلاف جنگ کے ذریعے صیہونی وزیر اعظم نیتن یاہو اپنے جرائم کو اپنے عوام سے چھپانے کیلئے استعمال کررہے ہیں۔ انھوں نے کہا کہ جاری ہے اور صرف جاری نہیں رہے گی بلکہ اس میں ہر گزرتے دن کے ساتھ اضافہ ہورہاہے۔