مراکش کے اٹھاون شہروں میں غزہ کی فتح پر جشن اور ایک سودس ریلیاں

(روزنامہ قدس ـ آنلائن خبر رساں ادارہ) مراکش میں امتِ اسلامی کے امور کی حمایت کرنے والی ایک غیر سرکاری تنظیم نے اعلان کیا ہے کہ غزہ میں جنگ بندی کے معاہدے کی خوشی میں ملک بھر کے اٹھاون شہروں میں ایک سو دس سے زائد مظاہرے منعقد کیے گئے۔

تنظیم نے اپنے بیان میں کہا کہ جمعہ کے روز ہزاروں شہری سڑکوں پر نکل آئے اور جنگ بندی کے حصول پر فلسطینی عوام کے ساتھ اظہارِ یکجہتی کیا۔ مظاہرین کا مرکزی نعرہ “غزہ فتح یاب ہوا” تھا۔اطلاعات کے مطابق مظاہروں کا انعقاد تطوان، کازابلانکا، تازا اور انزکان سمیت کئی شہروں میں کیا گیا۔

واضح رہے کہ غزہ میں طے پانے والا جنگ بندی معاہدہ دو سالہ خونریز جنگ کے خاتمے کا باعث بنا ہے جس کا علاقائی اور عالمی سطح پر بھرپور خیرمقدم کیا جا رہا ہے۔