لاہور:غزہ پر صیہونی حملہ کے خلاف عوامی ورکر ز پارٹی کا احتجاجی مظاہرہ

احتجاجی مظاہرے سے عوامی ورکرز پارٹی کے صدر عابد حسین منظور،پروفیسر جمیل عمر،اور فاروق طارق نے خطاب کیا ۔مظاہرین سے خطاب کرتے ہوئے رہنماﺅں کاکہنا تھا کہ غزہ پر ہونے والی صیہونی مظالم پر خاموش عرب اور دیگر حکومتیں اسرائیل کے جرم میںبرابر کی شریک ہیں۔انہوںنے کہا کہ دنیا بھر کی عوامی تحریکیں پھر سے طول پکڑ رہی ہیں اور غربت و افلاس اور انسانوں کے درمیان معاشی بنیادوں پر تفریق اور کمزور طبقے پر جبر سے پاک معاشرے کی از سر نو تعمیر کوشاں ہے۔انہوںنے فلسطینی سر زمین پر اسرائیلی آباد کاری کی شدید مذمت کرتے ہوئے ایک آزاد اور خود مختار فلسطینی ریاست کا مطالبہ کرتے ہوئے امریکہ و اسرائیلی پرچم بھی نذر آتش کئے ۔اس موقع پر مظاہرین امریکہ مردہ باد اور اسرائیل نا منظور کے فلک شگاف نعرے لگا رہے تھے۔