(روزنامہ قدس ۔آن لائن خبر رساں ادارہ) تیونیس کے صدر نے کہا ہے کہ اب وقت آگیا ہے کہ ایک صدی سے زیادہ عرصے سے جاری فلسطینیوں کے دکھوں کا مداوا کیا جائے اور ان کی مشکلات ختم کی جائیں۔
تیونیس کے نو منتخب صدر قیس سعید نے عوامی اسمبلی سے اپنے پہلے خطاب میں کہا ہے فلسطین صرف زمین کا کوئی ٹکڑا نہیں جس پر بادشاہتوں کے درمیان لڑائی ہے۔ یہ انسانی ضمیر کا مسئلہ ہے اور فلسطینی قوم کے دکھ ہمارے دلوں پر کندہ ہیں۔
صدر قیس سعید نے فلسطینی قوم کو اسرائیلی ریاست کے مظالم سے تحفظ فراہم کرنے کا مطالبہ کرتے ہوئے کہا کوئی سودے بازی فلسطینی قوم کے حقوق پر سمجھوتا ان کے مصائب کو ختم نہیں کرسکتا۔
انھوں نے کہا کہ میری طرف سے تنقید تیونس کے یہودیوں پر نہیں بلکہ فلسطین پر غیر قانونی قابض اسرائیل جسی ایک نسل پرست ریاست پر ہے جس نے فلسطینی قوم کے بنیادی حقوق غصب کررکھے ہیں۔قیس سعید نے کہا کہ اب وقت آگیا ہے کہ ایک صدی سے زیادہ عرصے سے جاری فلسطینیوں کے دکھوں کا مداوا کیا جائے اور ان کی مشکلات ختم کی جائیں۔