اسرائیلی پولیس نے فلسطینی شہریوں کی گاڑیوں کی توڑپھوڑ اور انہیں نذرآتش کرنے کے جرم میں پکڑے گئے ایک یہودی "گلو بٹ” کو رہا کردیا ہے۔ دوسری جانب فلسطینی شہریوں نے اسرائیلی پولیس کی جانب سے انتہا پسند یہودی کی رہائی کی شدید مذمت کرتے ہوئے اسے مسترد کردیا ہے۔
رپورٹ میں بتایا ہے کہ یہودی شدت پسند کو دو اہم شخصیات کی ذاتی ضمانت پر رہا کیا گیا تاہم ان کی شناخت ظاہر نہیں کی گئی۔
اسرائیلی پولیس کا کہنا ہے کہ وہ ایک ہفتہ پیشتر شمالی بیت المقدس میں طوباس کے مقام پر فلسطینیوں کی گاڑیوں کی توڑپھوڑ اور انہیں نذرآتش کیے جانے کے واقعے کی تحقیقات جاری رکھے ہوئے ہے
خیال رہے کہ ایک ہفتہ قبل اسرائیلی پولیس نے ایک مشبہ یہودی شرپسند کو حراست میں لیا تھا۔ اس پر الزام تھا کہ اس نے ام طوبیٰ کے مقام پر فلسطینیوں کے گھروں کےباہر کھڑی ان کی گاڑیوں کی توڑپھوڑ کی تھی اور انہیں انہیں آگ لگا کر جلا ڈالا تھا۔