(روزنامہ قدس ۔آن لائن خبر رساں ادارہ) فلسطینی کارکنان نے کورونا وائرس کے دوران کشمیر پر بھارتی اورر فلسطین پر صیہونی مظالم کی مماثلت پر ویڈیو کانفرنس کا انعقاد کیا۔
تفصیلات کے مطابق گزشتہ روز مقبوضہ فلسطین کے ایک گروپ جس میں سماجی کارکنان اور صحافیوں سمیت مختلف شعبہ جات کے نمائدگان نے کشمیری صحافی روا شاہ کے ساتھ مقبوضہ فلسطین اور مقبوضہ کشمیر میں عالمی وباء کورونا وائرس کے تناظرمیں دونوں مقبوضہ علاقوں پر اثرات کے حوالے سے ویڈیو کانفرنس کا نعقاد کیا ۔
ویڈیو کانفرنس میں اپنے خیالات کا اظہارکرتےہ وئے روا شاہ نے کہا کہ اقوام متحدہ اور دیگر عالمی طاقتوں کی جانب سے حق خودارادیت سے متعلق وعدوں کے باوجود کشمیر اور فلسطین دونوں غیر قانونی قبضے میں ہیں۔
انہوں نے کشمیر اور فلسطین میں بھارتی اور صیہونی طاقتوں کی جانب سے جاری جنگی جرائم اور مظالم پر روشنی ڈالتے ہوئے کہا کہ کشمیر اور فلسطین میں جاری مظالم پر اقوام عالم کی خاموشی اس بات کی دلیل ہے کہ عالمی برادری بھارتی اور صیہونی طاقتوں کا آلہ کار بن چکی ہے۔