فلسطینی مزاحمت کاروں کی ایک جرات مندانہ کارروائی کے نتیجے میں مقبوضہ مغربی کنارے میں دو غاصب صہیونی ہلاک اور متعدد زخمی ہوئے ہیں۔ اطلاعات کے مطابق ہلاک ہونے والے دونوں میاں بیوی ہیں۔ جب کی فائرنگ سے ان کے دو لڑکے زخمی ہوئے ہیں۔
رپورٹ کے مطابق جمعہ کو غرب اردن کے جنوبی شہر الخلیل میں "عثنیئیل” نامی یہودی کالونی کے قریب مبینہ طورپر فلسطینی مزاحمت کاروں نے فائرنگ کی جس کے نتیجے میں صہیونی میاں بیوی ہلاک ہوگئے۔ فائرنگ کے نتیجے میں ایک 16 سالہ یہودی لڑکا زخمی ہوا ہے جب کہ ایک لڑکا بھگدڑ کے نتیجے میں زخمی ہوگیا۔ فائرنگ کے بعد فلسطینی جائے وقوعہ سے فرار ہوگئے تھے۔رپورٹ کے مطابق ایک بندوق بردار شخص نے یہودی آباد کار کی کار پرفائرنگ کی جس کے نتیجے میں اس میں سوار دو یہودی میاں بیوی ہلاک اور ان کا سولہ سالہ لڑکا زخمی ہوگیا۔ ایک لڑکا بھاگتے ہوئے گر کرزخمی ہوا ہے۔
عینی شاہدین کا کہنا ہے کہ فائرنگ کے واقعے کے بعد اسرائیلی فوج نے علاقے کو گھیرے میں لے لیا اور گھر گھر سرچ آپریشن شروع کردیا گیا تھا۔
اسرائیلی میڈیا کے مطابق فلسطینی حملہ آور نے یہودی لڑکوں کو نشانہ بنانے سے گریز کیا ہے۔ فلسطینی مزاحمت کار چاہتے تو وہ ان لڑکوں کو بھی فائرنگ سے ہلاک کرسکتے تھے۔