(روزنامہ قدس ۔آن لائن خبر رساں ادارہ) اقوام متحدہ میں فلسطین کے نمائندے ریاض منصور نے کہا ہےکہ اگلے ہفتے صدر محمود عباس اقوام متحدہ میں دو تقاریر کریں گے جس کے ذریعے وہ فلسطینی عوام کے حوالے سے دنیا سے خطاب کرتے ہوئے فلسطینی مسائل سے متعلق تمام امور کو دنیا کے سامنے پیش کریں گے۔
گزشتہ روز فلسطینی نشریاتی ادارے وائس آف فلسطین کی جانب سے اقوام متحدہ میں فلسطینی نمائندے ریاض منصور نے ایک تصدیقی بیان جاری کیا ہے جس کے مطابق ان کا کہنا ہےکہ اگلےہفتے صدر محمود عباس عالمی رہنماؤں کے ساتھ اقوام متحدہ کی جنرل اسمبلی یو این جی اےکے 75 ویں سالانہ اجلاس میں شریک ہوں گے جس کے آغازاور اختتام پرصدرمحمودعباس تقاریرکریں گےاور فلسطین کےموجودہ حالات پر اقوام عالم کی توجہ مبذول کراتے ہوئے پوری انسانیت کے سامنے فلسطینی عوام کے حق خودارادیت کے بارے میں بات کریں گے۔
ریاض منصور نے واضح کیا کہ صدر عباس اپنی تقاریر میں فلسطینی سرزمین کے گذشتہ سے پیوستہ سالوں کے بارے میں بات کریں گے اور اس سال کے آغاز میں ہونے والی صدی کی ڈیل سے متعلق منصوبےاور معمول پر لانے کے عمل کے نتیجےمیں فلسطینیوں کی قومی حیثیت پر پڑنے والے اثرات پر توجہ دلائیں گے ۔