فلسطین کے مقبوضہ مغربی کنارے وسطی شہررام اللہ میں "شاعر بنجمن” نامی یہودی کالونی کے قریب ایک فلسطینی شہری کے چاقو سے حملے میں ایک یہودی آباد کار کے زخمی ہونے کی اطلاعات ہیں۔
اسرائیل کے ٹی وی نے اپنی رپورٹ میں بتایا کہ ایک فلسطینی نوجوان نے ایک اسرائیلی کو چاقو سے زخمی کیا جس کے بعد فرار ہوگیا۔ یہودی آباد کار میں بھگدڑ مچ گئی جس کے نتیجے میں مزید چار افراد بھی زخمی ہوئے ہیں۔ٹی وی رپورٹ میں بتایاگیا ہے کہ فلسطینی نوجوان کے حملے میں یہودی آبادکار کو گہرے زخم آئے ہیں۔ اسے ایمبولینس کی مدد سے اسپتال منتقل کیا گیا ہے تاہم اس کی حالت خطرے میں بیان کی جاتی ہے۔ حملہ آور موقع سے فرار ہوگیا۔ پولیس نے اس کی تلاش شروع کی ہے تاہم اس کا کوئی پتا نہیں چل سکا ہے۔