فلسطینی شہریوں کی سنگ باری سے اسرائیلی پولیس وین الٹ گئی، تین فوجی زخمی

فلسطین کے مقبوضہ بیت المقدس میں فلسطینی شہریوں کی سنگ باری کے دوران اسرائیلی ملٹری پولیس کی ایک گاڑی فٹ پاتھ سے ٹکرا کرالٹ گئی جس کے نتیجے میں کم سے کم تین فوجی زخمی ہوئے ہیں۔

اسرائیلی ذرائع ابلاغ کے مطابق یہ واقعہ اس وقت پیش آیا جب بیت المقدس میں الخلیل۔ القدس شاہراہ پر فلسطینی شہریوں ایک پولیس وین کو سنگ باری سے نشانہ بنایا۔ فلسطینیوں کے پتھراؤ سےبچنے کے لیے ڈرائیور نے جیپ کی رفتاری بڑھا دی مگروہ اس پرقابو نہ رکھ سکا اور جیپ فٹ پاتھ سے ٹکرا کرالٹ گئی اور اس کے نتیجے میں تین فوجی زخمی ہوئے ہیں۔ زخمیوں میں سے ایک کی حالت تشویشناک بیان کی جاتی ہے۔