فلسطینی خبر رساں ایجنسی”وفا” کے مطابق امریکی وزیرخارجہ جان کیری نے صدر محمود عباس سے بات کرتے ہوئے ان سے پرامن رہنے کی اپیل کی اور یہودی آباد کاروں اور فوجیوں پر فلسطینیوں کے حملوں کی روک تھام کے لیے موثر اقدامات کامطالبہ کیا۔
ذرائع کے مطابق فلسطینی صدر نے کہا کہ موجودہ کشیدگی کا ذمہ دار اسرائیل ہے، کیونکہ اسرائیلی فوج اور پولیس یہودی انتہا پسندوں کو فلسطینیوں کے خلاف اشتعال انگیز اقدامات کی کھلی اجازت فراہم کرنے کے ساتھ ساتھ انہیں مکمل تحفظ فراہم کرتے ہیں۔ یہودیوں کی اشتعال انگیزی کے نتیجے میں حالات یہاں تک پہنچے ہیں۔
ادھر مغربی کنارے میں فلسطینی اتھارٹی کے سیکیورٹی چیف عدنان ضمیری نے کہا ہے کہ فلسطینی اتھارٹی تحریک انتفاضہ کی روک تھام کے لیے موثر کردار ادا نہیں کرسکی ہے۔ مسٹر ضمیری کا کہنا ہے کہ عباس ملیشیا اور اسرائیلی فوج مل کر کشیدگی کو کم کرنے کی کوشش کررہے ہیں مگر وہ اس میں کامیاب نہیں ہوسکے ہیں۔