(روز نامہ قدس ۔آنلائن خبر رساں ادارہ ) مظلوم فلسطینیوں کے حقوق کے لیے ایک اٹھنے والی ایک بڑی آواز خاموش ہو گئی ،قابض اسرائیل کے خلاف اورمظلوم فلسطینیوں کے حقوق کیلئے ہرسطح پر بے خوف اور دوٹوک مؤقف رکھنے والے امریکی کانگریس کے سابق رکن اور امریکا میں justice for Palestine کے بانی پاؤل فنڈلی 98 سال کی عمر میں انتقال کرگئے۔
23 جون 1921 میں امریکی ریاست الینوائے میں پیدا ہونے والے پاول فنڈلی جو کہ معروف امریکی سیاستدان اور مصنف بھی رہے،انہوں نے نصف صدی کے طویل عرصے تک اسرائیلی مظالم کے شکار مظلوم فلسطینیوں کے حقوق کے لئے اور اسرائیلی بربریت کے خلاف دنیا کے ہر فورم پر بے لاگ اور دوٹوک مؤقف کواپنا یا اور پوری زندگی اپنی آواز اور قلم کے ذریعے فلسطینیوں کے حقوق کے لیے جدوجہد کرتے ہوئے گزاردی ۔
پاول فنڈلی نے دنیا میں ہونے والے ہرظلم کے خلاف کھڑے ہوکر دنیا کو یہ پیغام دیا کے مظلوم کسی بھی قوم فرقے اورمذہب کا ہو اس کا ساتھ دینا سچےانسان کا فرض ہے۔