فلسطین کے مقبوضہ مغربی کنارے کے جنوبی شہر الخلیل میں ایک فلسطینی نوجوان نے اپنی گاڑی کی ٹکر سے دو اسرائیلی فوجی کچل ڈالے جس کے نتیجے میں ایک فوجی ہلاک اور دوسرا شدید زخمی ہوا ہے۔ صہیونی فوجیوں نے گولیاں مار کر فلسطینی نوجوان کو شہید کردیا ہے۔
رپورٹ میں بتایا ہے کہ بدھ کو دو اسرائیلی فوجی شمالی الخلیل میں گوش عتصیون نامی یہودی کالونی کے قریب ایک مصروف شاہراہ پر اس وقت شدید زخمی ہوئے جب ایک فلسطینی کار ڈروائیور نے اپنی گاڑی سے انہیں کچل ڈالا۔ دوسرے فوجیوں نے فائرنگ کرکے فلسطینی شہری کو بھی شہید کردیا۔ بعد ازاں ایک فوجی زخموں کی تاب نہ لاتےہوئے ہلاک ہوگیا۔ دوسرے کی حالت بھی تشویشناک بیان کی جاتی ہے۔رپورٹ کے مطابق فلسطینی شہری نے دانستہ طورپر اپنی گاڑی یہودی فوجیوں پر چڑھا دی تھی جس کے نتیجے میں وہ شدید زخمی ہوگئے۔ انہیں اسپتال میں منتقل کیا گیا ہے جہاں ان میں سے ایک دم توڑی گیا تھا۔فائرنگ سے فلسطینی نوجوان 22 سالہ ابراہیم سمیر اسکافی شہید ہوگیا۔ فلسطینی وزارت صحت نے بھی فلسطینی نوجوان کی شہادت کی تصدیق کی ہے۔