شارجہ (روز نامہ قدس ۔آن لائن خبر رساں ادارہ) فلسطین سے تعلق رکھنے والی ایک دو شیزہ نے متحدہ عرب امارات کی شارجہ ریاست میں منعقدہ عرب دنیا کی بہترین بجٹ منیجر کے مقابلے میں کامیابی اپنے نام کر لی۔
روز نامہ قدس کو موصول ہونے والی اطلاعات کے مطابق عرب دنیا میں بہترین بجٹ منیجنگ کے حوالے سے مقابلے کا اہتمام امارات کی شارجہ ریاست کی وزارت برائے سماجی ترقی کی جانب سے کیا گیا تھا۔ مقابلے میں دیگر عرب ممالک کے مرد و خواتین کے ساتھ ساتھ فلسطینی دو شیزہ ھنادی خلیل براھمہ نے بھی حصہ لیا۔
بہترین بجٹ منیجر کے چناؤ کے حوالے سے شارجہ میں 24 مارچ کو ایک پروقار تقریب منعقد کی گئی جس میں شارجہ کے ولی عہد الشیخ سلطان بن محمد بن سلطان القاسمی اور دیگر اعلیٰ ریاستی شخصیات، امارات میں فلسطینی قونصل جنرل، دبئی وزارت خزانہ کے عہدیداروں اور عرب لیگ کی انتظامیہ وترقیاتی کمیٹی کے عہدیداروں نے شرکت کی۔
اس موقع پر بات کرتے ہوئے فلسطینی دو شیزہ اور بہترین بجٹ پلانر نے اپنی کامیابی کو فلسیطنی قوم کی کامیابی قرار دیا۔