(روزنامہ قدس ـ آنلائن خبر رساں ادارہ) یمن کی انصار اللہ تحریک کے قائد عبدالملک حوثی نے کہا ہے کہ قابض اسرائیل کا تازہ بزدلانہ حملہ جس میں یمنی وزیر اعظم اور متعدد وزرا شہید ہوئے یمن کے موقف کو نہیں بدل سکتا اس سے فلسطینی عوام کی نصرت کا سفر مزید تیز ہوگا۔
عبدالملک حوثی نے اپنے خطاب میں کہا کہ دشمن کا یہ حملہ نہ تو حکومتی سطح پر اور نہ ہی عوامی سطح پر یمن کے موقف کو بدل سکے گا غاصب ریاست کا اصل سرمایہ صرف اور صرف درندگی ہے وہ فلسطین، لبنان، شام، عراق اور ایران کے بیٹوں کی قاتل ہے۔ انہوں نے کہا کہ اللہ کی راہ میں جو کچھ ہم پیش کرتے ہیں وہ کسی نقصان کے مترادف نہیں، قابض اسرائیل جو روزانہ فلسطین اور غزہ میں لرزہ خیز جرائم انجام دے رہا ہے ان پر امت کو لازمی موقف اختیار کرنا ہوگا سفاک صہیونی حکومت غزہ کی پٹی میں بیس لاکھ مسلمانوں کو قحط زدہ رکھنے کے جرائم کی مرتکب ہو رہی ہے اور اس پر خاموشی ممکن نہیں۔
یمن کی انصار اللہ تحریک کے قائد عبدالملک حوثی اگر ہم ظالم صہیونی حکومت کی جانب سے ہماری مقدسات کی بے حرمتی پر خاموش رہے تو ہماری امت بے بس اور ناکام ہو جائے گی جسے قابو پانا آسان ہوگا۔انہوںنے کہا کہ ہمارا سفر فلسطینی عوام کی حمایت میں جار ی ا ور مستحکم ہے۔
عبدالملک حوثی نے کہا کہ ہم دشمن کا مقابلہ ہر میدان میں کر رہے ہیں، چاہے وہ سیاسی ، عسکری ، اقتصادی یا میڈیا کا محاذ ہو۔انہوں نے اعلان کیا کہ ہماری عوام اس جارحیت کے مقابلے میں کبھی کمزور نہیں ہوگی۔ انصار اللہ تحریک کے قائد نے ایک بار پھر اپنے ملک کے موقف کو دہراتے ہوئے کہا کہ یمن فلسطینی عوام کے ساتھ کھڑا ہے اور یہ ایک اٹل حقیقت ہے جس میں کوئی تبدیلی ممکن نہیں۔انہوں نے کہا کہ یمنی عوام دشمن جابر اسرائیل کی خدمت کے لیے ہونے والی کسی بھی کوشش کے سامنے سیسہ پلائی دیوار بن کر کھڑے رہیں گے۔
