(روزنامہ قدس ۔آن لائن خبر رساں ادارہ) بین الاقوامی فوجداری عدالت نے مقبوضہ فلسطینی علاقوں میں اسرائیلی ریاست کے فلسطینیوں کے خلاف جرائم کی تحقیقات کھولنے کے لیے بیرون ملک فلسطینیوں کی نمائندہ کانگریس کی درخواست منظور کر لی ہے۔
گذشتہ روز بین الاقوامی فوجداری عدالت نے سمندر پار فلسطینیوں کی طرف سے پاپولر کانفرنس کی قانونی کمیٹی کے ذریعہ مقبوضہ فلسطینی علاقوں میں قابض صیہونی ریاست کے جنگی جرائم کی تحقیقات سے متعلق دی گئی درخواست منظور کرنے کا فیصلہ کیا ہے۔
درخواست میں موقف اختیار کیا گیا ہے کہ اسرائیلی ریاست سنہ 1967ء کی جنگ میں قبضے میں لیے گئے علاقوں میں صہیونی ریاست کے ناجائز تسلط اور فلسطینیوں کے خلاف جرائم کی تحقیقات کا مطالبہ کیا گیاہے۔دوسری طرف دی ہیگ میں قائم بین الاقوامی فوج داری عدالت نے کہا ہے کہ وہ فلسطینیوں کی طرف سے دی گئی درخواست پر اسرائیلی ریاست کی ناقابل قبول سرگرمیوں کی تحقیقات کرے گی۔